وہ عام اور آسان عادات جو ذیابیطس جیسے مرض سے بچا سکتی ہیں

ذیابیطس ٹائپ 2 ایسی بیماری ہے جس کے دوران لبلبہ مناسب مقدار میں انسولین نہیں بناتا یا انسولین کو درست طریقے سے استعمال نہیں کر پاتا۔

اس کے نتیجے میں بلڈ شوگر کی سطح میں خطرناک حد تک اضافہ ہوتا ہے جس سے وقت گزرنے کے ساتھ اعضا کو نقصان پہنچتا ہے۔

اگر بلڈ شوگر کی سطح کو کنٹرول نہ کیا جائے تو امراض قلب، بینائی سے محرومی، اعصاب اور اعضا کو نقصان پہنچنے سمیت دیگر پیچیدگیوں کا خطرہ بڑھتا ہے۔

خاندان میں ذیابیطس کی تاریخ ، موٹاپا اور 45 سال یا اس سے زائد عمر کو ذیابیطس ٹائپ 2 کا خطرہ بڑھانے والے اہم عناصر قرار دیا جاتا ہے، مگر موجودہ عہد میں جوان افراد میں بھی یہ بیماری تیزی سے عام ہو رہی ہے۔

گاڑی میں سفر کے دوران متلی سے پریشان؟ اس سے بچنے کیلئے بہترین گھریلو ٹوٹکے جانیں

اسے طبی زبان میں موشن سکنس کہا جاتا ہے جس کے شکار افراد کو متلی، قے، سر چکرانے اور دیگر مسائل کا سامنا ہوتا ہے۔

مگر اچھی بات یہ ہے کہ طرز زندگی کی چند عادات کو اپنا کر آپ ذیابیطس سے متاثر ہونے کا خطرہ نمایاں حد تک کم کر سکتے ہیں۔

متوازن غذا

سالم اناج، پھلوں، سبزیوں، پروٹین اور صحت کے لیے مفید چکنائی پر مشتمل غذا کا استعمال بلڈ شوگر کی سطح کو مستحکم رکھنے میں مدد فراہم کرتا ہے۔

میٹھے مشروبات، الٹرا پراسیس غذاؤں اور زیادہ چکنائی والی غذاؤں سے گریز کرنے سے بھی ذیابیطس سے بچنے میں مدد ملتی ہے۔

انار کے وہ فائدے جو اس پھل کا مزہ دوبالا کردیں گے

ذائقے سے بڑھ کر یہ مزیدار پھل صحت کے لیے بھی بہت زیادہ فائدہ مند ہوتا ہے۔

جسمانی طور پر متحرک رہنا

جسمانی سرگرمیوں کو معمول بنانے سے جسمانی وزن کو صحت مند رکھنے میں مدد ملتی ہے جبکہ انسولین کی حساسیت بہتر ہوتی ہے۔

طبی ماہرین کے مطابق ہر ہفتے کم از کم 150 منٹ کی معتدل سے سخت جسمانی سرگرمیاں جیسے تیز رفتاری سے چہل قدمی کرنے سے ذیابیطس سے متاثر ہونے کا خطرہ کم کیا جا سکتا ہے۔

کھانے کی مقدار کا خیال رکھیں

متوازن غذا کا استعمال ذیابیطس کا خطرہ کم کرتا ہے مگر ضرورت سے زیادہ کھانے سے گریز کرنا بھی ضروری ہے۔

وہ عام غلطیاں جس کے باعث جسمانی وزن میں کمی لانا ناممکن ہو جاتا ہے

ایسی عام عادات یا غلطیوں کے بارے میں جانیں جو جسمانی وزن میں کمی کی کوششوں کو ناکام بنادیتی ہیں۔

زیادہ کھانے سے جسمانی وزن میں اضافہ ہوتا ہے جس سے ذیابیطس سے متاثر ہونے کا خطرہ بڑھتا ہے۔

تناؤ کو کنٹرول کریں

دائمی تناؤ سے صحت کے لیے نقصان دہ عادات کو اپنانے اور انسولین کی مزاحمت کا امکان بڑھتا ہے۔

یوگا، مراقبے یا گہری سانسیں لینے جیسے طریقوں سے تناؤ کو کنٹرول کرنے میں مدد مل سکتی ہے جس سے ذیابیطس کا خطرہ بھی کم ہوتا ہے۔

منہ میں چھالوں سے نجات دلانے میں مددگار آسان طریقے

ن چھالوں کی وجہ سے زندگی مشکل محسوس ہوتی ہے اور اسی لیے لوگ انہیں ٹھیک کرنے کے لیے کافی کوششیں کرتے ہیں۔

اچھی نیند

نیند کی کمی ان ہارمونز کو متاثر کرتی ہے جو کھانے کی خواہش اور بلڈ شوگر کی سطح کو کنٹرول کرتے ہیں۔

طبی ماہرین کے مطابق ہر رات کم از کم 7 گھنٹے کی اچھی نیند کو یقینی بنانا ضروری ہے جس سے صحت بہتر ہوتی ہے اور ذیابیطس کا خطرہ گھٹ جاتا ہے۔

اسکرین ٹائم کم کریں

ضرورت سے زیادہ وقت ٹی وی، کمپیوٹر یا اسمارٹ فون اسکرین کے سامنے گزارنا بھی ذیابیطس کا خطرہ بڑھاتا ہے۔

بیشتر افراد کو معدے کی تیزابیت کا سامنا کیوں ہوتا ہے؟

کئی بار معدے میں ایسڈ کی مقدار بڑھ جاتی ہے ج سے پیٹ اور سینے کے درمیان جلن کا احساس ہوتا ہے۔

اسکرین کے سامنے وقت گزارنے کا مطلب یہ ہے کہ ایک فرد بہت زیادہ وقت بیٹھ کر گزارتا ہے اور یہ عادت ذیابیطس سمیت متعدد امراض کا خطرہ بڑھاتی ہے۔

پانی پینا مت بھولیں

مناسب مقدار میں پانی پینا جسمانی افعال کے لیے بہت ضروری ہوتا ہے۔

یہ عادت بلڈ شوگر کی سطح کو مستحکم رکھنے میں مدد فراہم کرتی ہے جس سے ذیابیطس سے متاثر ہونے کا خطرہ کم ہوتا ہے۔

اخروٹ کھانے کے یہ 10 فوائد آپ کو ضرور پسند آئیں گے

اخروٹ میں چکنائی، فائبر، پروٹین، کاربوہائیڈریٹس، پوٹاشیم، وٹامن ای، میلاٹونین اور پولی فینولز جیسے اجزا موجود ہوتے ہیں۔

تمباکو نوشی سے گریز کریں

تمباکو نوشی کی عادت ذیابیطس سمیت متعدد طبی مسائل کا خطرہ بڑھتی ہے۔

یہی وجہ ہے کہ اس سے گریز کرنا ضروری ہے تاکہ ذیابیطس سمیت دیگر جان لیوا امراض سے بچ سکیں۔

طبی معائنہ کرائیں

35 سال کی عمر کے بعد بلڈ شوگر ٹیسٹ کرانے کو عادت بنالینا چاہیے۔

اس طرح انسولین کی مزاحمت یا ذیابیطس سے قبل کے مرحلے کی جلد تشخیص میں مدد مل سکتی ہے۔

اس تشخیص سے ہائی بلڈ شوگر کو ذیابیطس کی شکل اختیار کرنے سے روکنا ممکن ہوتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔