19 اکتوبر ، 2023 
شیخ رشید کی حراست کے خلاف درخواست میں پولیس کو آخری مہلت
19 اکتوبر ، 2023
لاہور ہائیکورٹ راولپنڈی بینچ نے شیخ رشید کی حراست کے خلاف درخواست میں پولیس کو آخری مہلت دے دی۔
لاہور ہائیکورٹ راولپنڈی بینچ کے جسٹس صداقت علی نے شیخ رشید کی حراست کے خلاف دائردرخواست پرسماعت کی جس سلسلے میں آر پی او راولپنڈی عدالت میں پیش ہوئے۔
عدالت نے استفسار کیا کہ آرپی اوصاحب بتائیں شیخ رشید سے متعلق کیا پیشرفت ہے؟ آر پی او نے بتایا کہ شیخ رشید کی بازیابی کیلئے کوشش جاری ہے، مزید مہلت چاہیے۔
عدالت نے کہاکہ اور کتنا وقت چاہیے؟ آپ کو جتنا وقت دیا ہے اس میں آپ نے کیا کیا؟ آر پی او نے کہا کہ درخواست گزارکو انکوائری کیلئے بلایا، وہ کوئی معقول جواب نہیں دے سکے، جن 5 پولیس افسران پرشیخ رشید کی گرفتاری کا الزام ہے سی ڈی آرکے مطابق وہ وہاں نہیں تھے۔
عدالت نے کہا کہ ایک ہفتے کی مزید مہلت آخری موقع سمجھ کر دے رہے ہیں، ایک ہفتے کے بعد مزید التوا نہیں دیں گے، عدالت وارننگ کے ساتھ ایک ہفتے بعد کوئی نہ کوئی آرڈر پاس کرے گی۔
مزید خبریں :
دھند کے باعث اسلام آباد سے لاہور تک موٹروے بند
29 دسمبر ، 2024
