ڈپریشن سے متاثر ہونے پر جسم پر ظاہر ہونے والی 10 علامات

ڈپریشن کو بیشتر افراد ذہنی مرض سمجھتے ہیں اور اکثر خیال کیا جاتا ہے کہ اس کی علامات بھی دماغی مسائل پر مبنی ہوتی ہیں جس سے جسم متاثر نہیں ہوتا۔

مگر بہت کم افراد کو علم ہوتا ہے کہ ڈپریشن کے شکار مریضوں کو جسمانی مسائل کا سامنا بھی ہوتا ہے۔

جی ہاں ڈپریشن محض 'دماغ' تک محدود رہنے کا مرض نہیں بلکہ اس کے نتیجے میں جسم میں بھی تبدیلیاں آتی ہیں۔

یہ جسمانی تبدیلیاں متعدد دیگر امراض میں بھی نظر آتی ہیں تو ڈپریشن کے شکار افراد میں اصل بیماری کی تشخیص کا امکان گھٹ جاتا ہے۔

ہمارے چہروں پر بھنویں کیوں ہوتی ہیں؟

بالوں کی یہ 2 پٹیاں ہر چہرے پر نمایاں نظر آتی ہیں مگر ان کا مقصد کیا ہوتا ہے؟

ایسے افراد یہ سمجھ ہی نہیں پاتے کہ ان کے جسمانی مسائل ایک ذہنی بیماری کا نتیجہ ہیں۔

ڈپریشن سے جسم میں آنے والی تبدیلیاں درج ذیل ہیں۔

نیند کے مسائل

ڈپریشن سے ذہن کے ساتھ جسم بھی متاثر ہوتا ہے، خاص طور پر نیند کے مسائل کا خطرہ بڑھتا ہے۔

کھانسی سے پریشان؟ تو نجات کیلئے یہ گھریلو طریقے آزمائیں

موسم بدلنے کے ساتھ الرجی، وائرل انفیکشن یا بیکٹریل انفیکشن کے باعث بیشتر افراد کو کھانسی کا سامنا ہوتا ہے۔

ڈپریشن کے شکار افراد بے خوابی ایک عام مسئلہ ہے مگر کچھ مریضوں میں الٹ ہوتا ہے یعنی وہ بہت زیادہ سونے لگتے ہیں۔

سینے میں تکلیف

سینے میں تکلیف کو اکثر دل یا معدے کے امراض سے منسلک کیا جاتا ہے۔

مگر کئی بار سینے میں تکلیف ڈپریشن کی بھی علامت ہوتی ہے۔

7 دن تک روزانہ کیلے کھانے سے ایک ڈاکٹر کو کن اثرات کا سامنا ہوا؟

اس پھل میں فائبر، اینٹی آکسائیڈنٹس اور دیگر متعدد غذائی اجزا موجود ہوتے ہیں۔

واضح رہے کہ ڈپریشن کے شکار افراد میں امراض قلب سے متاثر ہونے کا خطرہ بڑھ جاتا ہے۔

تھکاوٹ اور کمزوری

اگر اچھی نیند کے باوجود آپ کو بہت زیادہ تھکاوٹ محسوس ہو اور روزمرہ کے کام کرنا بھی مشکل ہو جائے، تو یہ ڈپریشن کی نشانی ہو سکتی ہے۔

ڈپریشن اور تھکاوٹ یا کمزوری کو ایک دوسرے سے منسلک کیا جاتا ہے۔

لوگوں کو عرق النسا کی تکلیف کا سامنا کیوں ہوتا ہے؟

نسا ایک رگ یا عصب کا نام ہے جسے انگلش میں شیاٹک نرو بھی کہا جاتا ہے۔

مسلز اور جوڑوں میں تکلیف

اگر آپ کو مسلز اور جوڑوں میں دائمی تکلیف کا سامنا ہو تو ڈپریشن سے متاثر ہونے کا خطرہ بڑھتا ہے۔

مگر ڈپریشن سے متاثر ہونے پر بھی مسلز اور جوڑوں کی تکلیف کا خطرہ بڑھتا ہے۔

اس کی وجہ یہ ہے کہ دونوں امراض میں دماغ میں موجود ایک جیسے کیمیکلز کردار ادا کرتے ہیں۔

جگر کی صحت کے لیے فائدہ مند اور نقصان دہ غذائیں کونسی ہوتی ہیں؟

کچھ غذائیں اور مشروبات جگر کی صحت کے لیے مفید جبکہ کچھ غذائیں اسے نقصان پہنچاتی ہیں۔

نظام ہاضمہ کے مسائل

ڈپریشن کے مریضوں کو اکثر نظام ہاضمہ کے مسائل جیسے قے، متلی، بدہضمی یا قبض کا سامنا بھی ہوتا ہے۔

اس کی وجہ یہ ہے کہ ہمارا دماغ اور نظام ہاضمہ ایک دوسرے سے مضبوطی سے جڑے ہوتے ہیں۔

سر درد

ایک تحقیق میں دریافت کیا گیا کہ ڈپریشن کے شکار افراد میں آدھے سر کے درد کا خطرہ 3 گنا زیادہ ہوتا ہے۔

دل کے جان لیوا امراض سے بچنے کا آسان ترین طریقہ جان لیں

روزانہ محض 5 منزلیں سیڑھیاں چڑھنے سے دل کی شریانوں سے جڑے امراض کا خطرہ 20 فیصد تک کم ہو جاتا ہے۔

اسی طرح اکثر آدھے سر کے درد کے مسئلے کا سامنا کرنے والے افراد میں ڈپریشن سے متاثر ہونے کا خطرہ 5 گنا زیادہ ہوتا ہے۔

کھانے کی خواہش یا وزن میں تبدیلیاں آتی ہیں

ڈپریشن کے شکار کچھ مریضوں کو کم بھوک لگتی ہے جبکہ کچھ بہت زیادہ کھانے لگتے ہیں۔

اس کے نتیجے میں جسمانی وزن میں اضافہ یا کمی ہوتی ہے جبکہ جسمانی توانائی میں کمی کا احساس بھی ہر وقت ہوتا ہے۔

ہارٹ فیلیئر جیسے جان لیوا مرض کی عام علامات جانتے ہیں؟

اس بیماری کا کا علاج نہیں بلکہ ادویات کی مدد سے اسے بڑھنے سے روکا جاتا ہے۔

کمر درد

اگر اکثر کمر درد کی شکایت ہوتی ہے تو اس سے ڈپریشن کا خطرہ بڑھتا ہے۔

اسی طرح جو لوگ ڈپریشن کے شکار ہوتے ہیں ان میں کمر یا گردن کی شدید تکلیف کا خطرہ 4 گنا زیادہ ہوتا ہے۔

بے چینی اور غصہ

نیند کے مسائل یا ڈپریشن کی دیگر علامات کے باعث بے چینی کا سامنا ہوتا ہے۔

کیا اکثر آنکھ پھڑکنے پر ہمیں پریشان ہونا چاہیے؟

اگر آپ کے ساتھ ایسا ہوتا ہے تو کیا یہ کسی بیماری کے خطرے کی نشانی تو نہیں؟

خواتین کے مقابلے میں ڈپریشن کے شکار مردوں کی جانب سے غصے کا اظہار بہت زیادہ کیا جاتا ہے۔

تولیدی صحت کے مسائل

ڈپریشن کے شکار کچھ افراد کے شریک حیات سے تعلقات متاثر ہوتے ہیں جس کی وجہ تولیدی صحت پر مرتب ہونے والے منفی اثرات ہوتے ہیں۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔