دنیا کے آلودہ ترین شہروں کی فہرست میں لاہور آج پھر پہلے نمبر پر آگیا
15 نومبر ، 2023
لاہور آج پھر دنیا کے آلودہ ترین شہروں کی فہرست میں پہلے نمبر پر آگیا۔
لاہور میں اسموگ کا راج برقرار ہے اور صبح ریکارڈ کیے گئے پارٹیکولیٹ میٹرز کی تعداد 264 ہے۔
شہر میں اسموگ کی خراب صورتحال اور اس کی روک تھام کے لیے ایک بار پھر سخت فیصلوں کا امکان ہے جس کے تحت بازار ہفتے میں 2 دن بند کرنے، ایک یا 2 روز ورک فرام ہوم، اسکول آن لائن کرنے اور پبلک ٹرانسپورٹ کم کرنے سے متعلق فیصلے آج متوقع ہیں۔
یہ تجاویز نگران وزیراعلیٰ محسن نقوی کی زیر صدارت اجلاس میں زیر غور آئیں گی۔
