15 نومبر ، 2023 
پاکستان
عدالت نے ایس ایس پی اورڈی سی ایسٹ کوگوٹھ مسمارکرنے اور اس کی ایک ماہ میں رپورٹ دینےکا حکم دیا/ فائل فوٹو
کراچی: اسکیم 33کی زمین پر قائم نیو غریب آباد گوٹھ مسمار کرنے کا حکم
15 نومبر ، 2023
کراچی: سندھ ہائیکورٹ نے اسکیم 33کی زمین پر قائم نیو غریب آباد گوٹھ مسمار کرنے کا حکم دے دیا۔
سندھ ہائیکورٹ کے جسٹس ندیم اختر نے اسکیم 33 میں سوسائٹی کی زمین پربنے نیوغریب آباد گوٹھ ختم کرانے کی درخواست پر سماعت کی جس دوران ڈی سی ایسٹ نے عدالت میں کہا کہ 40 ایکڑ زمین خالی کرانی ہے، لوگ آباد ہیں، خاندان اور بچے بھی ہیں، دفعہ 144 لگانے کے لیے محکمہ داخلہ سندھ سے رجوع کیا گیا ہے۔
ڈی سی ایسٹ کی بات سن کر عدالت نے برہمی کا اظہار کرتے ہوئے کہا کہ ہمیں یہ مت بتائیں کہ اس کو خط لکھا ہے اور اس کو خط لکھیں گے، عدالت کا حکم ہے آپ سب کو عملدرآمد کرنا ہوگا۔
عدالت نے ایس ایس پی اورڈی سی ایسٹ کوگوٹھ مسمارکرنے اور اس کی ایک ماہ میں رپورٹ دینےکا حکم دیا۔
