لاہور سمیت پنجاب کے 10 اضلاع میں اسموگ کے باعث کل اسمارٹ لاک ڈاؤن ہوگا
17 نومبر ، 2023
لاہور سمیت پنجاب کے 10 اضلاع میں اسموگ کے باعث کل اسمارٹ لاک ڈاؤن ہوگا۔
پرونشل ڈیزاسٹر منیجمنٹ اتھارٹی (پی ڈی ایم اے) نے اسمارٹ لاک ڈاؤن کے نفاذ کا نوٹیفکیشن جاری کردیا۔
نوٹیفکیشن کے مطابق 10 اضلاع میں ہفتے کو لاک ڈاؤن ہوگا جس میں لاہور، ننکانہ، شیخوپورہ، قصور، گوجرانوالہ، گجرات، سیالکوٹ، نارووال، حافظ آباد اور منڈی بہاؤالدین شامل ہیں۔
ان تمام اضلاع میں میں ہفتہ 18نومبر کو نقل وحرکت محدودہوگی۔
نوٹیفکیشن کے مطابق تمام سرکاری اور نجی اسکول، کالجز اور یونیورسٹیزبندرہیں گے، آن لائن کلاسز کی اجازت ہوگی۔
نوٹیفکیشن میں کہا گیا ہے کہ بازار، دکانیں، جم، سنیماگھر اور دفاتر 3 بجے کے بعد کھولے جاسکیں گے۔
