19 نومبر ، 2023 
پاکستان
ملزم خود کو پولیس اہلکار ظاہر کرکے وردی میں ویڈیوز بنا کر ٹک ٹاک پر اپ لوڈ کرتا تھا: پولیس— فوٹو: کے پی پولیس
پشاور میں پولیس وردی میں ویڈیوز بنانے والا ٹک ٹاکر گرفتار
19 نومبر ، 2023
پشاور میں پولیس نے سوشل میڈیا پر پولیس یونیفارم میں ویڈیوز اپ لوڈ کرنے والے ٹک ٹاکر کو گرفتار کر لیا۔
پولیس کے مطابق ملزم خود کو پولیس اہلکار ظاہر کرکے وردی میں ویڈیوز بناتا تھا اور ٹک ٹاک پر اپ لوڈ کرتا تھا۔
پولیس کی حراست میں ملزم نے اپنی حرکت پر پشیمانی کا اظہار کیا اور کہا کہ آئندہ اس قسم کی ویڈیوز بنانے سے دریغ کروں گا۔
ملزم نے دیگر ٹک ٹاکرز کو بھی پیغام دیا کہ کسی صورت پولیس یونیفارم اور پولیس کے خلاف ویڈیو نہ بنائیں۔
پولیس نے ملزم کے قبضے سے پولیس وردی اور موبائل فون برآمد کر لیا جبکہ ملزم کے خلاف مقدمہ بھی درج کرلیا گیا ہے۔
