دنیا
16 جنوری ، 2013
16 جنوری ، 2013 
لندن میں ہیلی کاپٹر گرکر تباہ، 2 افراد ہلاک، 2 زخمی
16 جنوری ، 2013
لندن … لندن میں دریائے ٹیمز کے قریب ہیلی کاپٹر گر کر تباہ ہو گیا، حادثے میں 2افراد ہلاک اور 2 زخمی ہوگئے۔ میڈیا رپورٹس کے مطابق حادثہ وسطی لندن میں ریلوے اسٹیشن کے قریب پیش آیا اور ہیلی کاپٹر عمارت پر کھڑی کرین سے ٹکرانے کے بعد زمین پر گر کر تباہ ہو گیا۔ حادثے کے فوری بعد پولیس اور فائر بریگیڈ موقع پر پہنچ گئی۔ اسکاٹ لینڈ یارڈ نے حادثے میں 2 افراد کی ہلاکت کی تصدیق کردی ہے۔ 2 زخمیوں کو ساوٴتھ لندن اسپتال منتقل کردیا گیا ہے۔ حادثے کے بعد وسطی لندن میں تمام ٹرین سروسز معطل کردی گئی ہیں۔ ہیلی کاپٹر گرنے کے مقام سے امریکی سفارتخانے کی نئی زیر تعمیر عمارت اور ایم آئی انٹیلی جنس سروسز کا دفتر چند گز کے فاصلے پر ہے۔
مزید خبریں :
