24 نومبر ، 2023 
پاکستان
ریسٹورنٹ مالک کو پہلے بھی غیرملکی سیاحوں کے ساتھ غیراخلاقی حرکات کرنے پر گرفتار کیا گیا تھا— فوٹو: پشاور پولیس
پشاور: ریسٹورنٹ مالک غیر ملکی خاتون سیاح کیساتھ ویڈیو بنانے پر دوبارہ گرفتار
24 نومبر ، 2023
پشاور میں مشہور ریسٹورنٹ کے مالک نثار کو غیر ملکی خاتون سیاح کے ساتھ ویڈیو بنانے پر دوبارہ گرفتار کرلیا گیا۔
پشاور کے نمک منڈی میں واقع ریسٹورنٹ کے مالک کی غیرملکی خاتون سیاح کے ساتھ ویڈیو وائرل ہونے پر انہیں گرفتار کیا گیا۔
ایس پی سٹی طیب جان کے مطابق پولیس افسران نے ریسٹورنٹ کے مالک نثار کی ویڈیو وائرل ہونے کا نوٹس لیا تھا جس پر ملزم کو گرفتار کرکے حوالات میں بند کردیا گیا۔
انہوں نے کہا کہ قانون سے کوئی بالا تر نہیں ہے۔
خیال رہ ےکہ ریسٹورنٹ مالک کو پہلے بھی غیرملکی سیاحوں کے ساتھ غیراخلاقی حرکات کرنے پر گرفتار کیا گیا تھا۔
