17 جنوری ، 2013 
حکومت کی ناکامی کو جمہوریت کی ناکامی قرار نہیں دیا جاسکتا، نواز شریف
17 جنوری ، 2013
لاہور … مسلم لیگ ن کے صدر میاں نواز شریف نے کہا ہے کہ حکومت کی ناکامی کو جمہوریت کی ناکامی قرار نہیں دیا جاسکتا، موجودہ حکومت 8 ہفتے کی مہمان ہے، اس لئے کسی لانگ مارچ کی ضرورت نہیں ہے۔ ان خیالات کا اظہار انہوں نے بدین کے علاقے راہوکی میں ہاری رہنما فاضل راہو کی 26 ویں برسی کے موقع پر جلسے سے ٹیلی فونک خطاب کرتے ہوئے کیا۔ نواز شریف نے طاہر القادری کو تنقید کا نشانہ بناتے ہوئے کہا کہ یہ کیسی جدوجہد ہے کہ لیڈر خود آرام دہ اور بلٹ پروف کیبن میں موجود ہے جبکہ کمزور خواتین اور بچوں کو سردی میں پھینک دیا گیا ہے۔ ان کا کہنا تھا کہ جو لوگ آئین، قانون اور انتخابات سے ڈرتے ہیں وہ دھرنے سے تبدیلی لانا چاہتے ہیں، لیکن عوام کو اپنے ہاتھوں سے اپنی قسمت بدلنے کا موقع انتخابات میں ملے گا، 8 ہفتے بعد عوام کی بدعنوان حکمرانوں سے جان چھوٹ جائے گی۔
