14 دسمبر ، 2023 
پاکستان
فوٹو: فائل
پی ٹی آئی کے 18 اشتہاریوں کے شناختی کارڈ بلاک کرنے کیلئے نادرا کو لسٹ مہیا کر دی گئی
14 دسمبر ، 2023
پاکستان تحریک انصاف کے 18 اشتہاریوں کے شناختی کارڈ بلاک کرنے کے لیے نادرا کو لسٹ مہیا کر دی گئی۔
ذرائع کے مطابق لسٹ وزارت داخلہ کی جانب سے نادرا کو بھجوائی گئی ہے۔
ذرائع کا کہنا ہے کہ مراد سعید، اعظم سواتی، حماداظہر، میاں اسلم اقبال ،کرامت علی کھوکھر، حافظ فرحت عباس ، علی امین گنڈا پور ،امتیازاحمد شیخ، واثق قیوم عباسی،علی اصغر منڈا کے نام لسٹ میں شامل ہیں۔
ذرائع کے مطابق مسرت جمشید چیمہ، احمد خان نیازی،جمشید چیمہ ، زبیرنیازی، اسد زماں چیمہ، سعید سندھو، ملک ندیم عباس، غلام محی الدین دیوان کے نام بھی فہرست میں شامل ہیں۔
ذرائع کا کہنا ہے کہ لسٹ میں شامل افراد ملک بھر کے مختلف تھانوں کو مطلوب ہیں۔
