03 جنوری ، 2024 
پاکستان
ہماری روایت نہیں کہ خاتون کو گرفتار کریں، چیف جسٹس محمد ابراہیم خان— فوٹو:فائل
پشاور ہائیکورٹ نے زرتاج گل کی گرفتاری سے روک دیا، راہداری ضمانت منظور
03 جنوری ، 2024
پشاور ہائیکورٹ نے پولیس کو پاکستان تحریک انصاف کی رہنما زرتاج گل کی گرفتاری سے روک دیا۔
پشاور ہائیکورٹ کے چیف جسٹس محمد ابراہیم خان نے زرتاج گل کی راہداری ضمانت کی درخواست کی سماعت کی۔
عدالت نے پولیس کو زرتاج گل کی گرفتاری سے روکتے ہوئے راہداری ضمانت منظور کرلی۔
چیف جسٹس محمد ابراہیم خان نے ریمارکس دیے کہ ہماری روایت نہیں کہ خاتون کو گرفتار کریں، ایک خاتون کے لیے اتنی زیادہ پولیس نفری تعینات کی گئی ہے۔
چیف جسٹس نے کہا کہ ایڈوکیٹ جنرل اگر آپ مسئلے کا حل نہیں نکال سکتے توپھرہم دونوں کومستعفی ہونا چاہیے۔
انہوں نے ریمارکس دیے کہ خاتون نے پولیس پر حملہ نہیں کیا جو اتنی نفری تعینات کی ہے۔
