اسٹاک ایکسچینج میں کاروبار کا منفی دن، 100 انڈیکس 124 پوائنٹس گرگیا

پاکستان اسٹاک ایکسچینج میں آج کاروبار کا منفی دن رہا۔

اسٹاک ایکسچینج میں کاروباری دن میں 100 انڈیکس 1319 پوائنٹس کے بینڈ میں رہا تاہم کاروبار کے اختتام پر  ہنڈریڈ انڈیکس 124 پوائنٹس کم ہوکر 64514 پر بند ہوا۔

100 انڈیکس کی کم ترین سطح 63757 رہی۔

حصص بازار میں آج 94 کروڑ شیئرز کے سودے 19.35 ارب روپے میں طے ہوئے جبکہ مارکیٹ کیپٹلائزیشن 12 ارب روپے بڑھ کر 9373 ارب روپے رہی۔