کیویز کیخلاف سیریز: پاکستان ٹیم کے 6کھلاڑی کل آسٹریلیا سے نیوزی لینڈ روانہ ہونگے

آسٹریلیا کے ہاتھوں وائٹ واش کے بعد کیویز کے خلاف ٹی ٹوئنٹی سیریز میں شرکت کے لیے پاکستان ٹیم کے 6کھلاڑی کل آسٹریلیا سے نیوزی لینڈ روانہ ہوں گے۔

کپتان شاہین شاہ آفریدی، بابر اعظم ،صائم ایوب، محمد رضوان ،عامر جمال اور وسیم جونیئر کل آسٹریلیا سے نیوزی لینڈ جائیں گے۔

البتہ ٹیسٹ اسکواڈ کے دیگر 9 کھلاڑی کل آسٹریلیا سے پاکستان کیلئے بھی روانہ ہوں گے۔

آسٹریلیا سے پاکستان روانہ ہونے والے کھلاڑیوں میں شان مسعود، عبداللہ شفیق، امام الحق، سعود شکیل، سرفراز احمد ، ساجد خان، میر حمزہ، سلمان علی آغا اور فہیم اشرف شامل ہیں۔

آسٹریلیا نے پاکستان کو ٹیسٹ سیریز میں وائٹ واش کردیا

پاکستان کا تیسرے ٹیسٹ میں بھی فلاپ شو، پاکستان کو میلبرن ٹیسٹ میں 79 رنز اور پرتھ ٹیسٹ میں 360 رنزکے بھاری مارجن سے شکست ہوئی تھی

پاکستان کو آسٹریلیا کے خلاف ٹیسٹ سیریز میں وائٹ واش کا سامنا کرنا پڑا تھا، میزبان ٹیم نے 3 ٹیسٹ میچز کی سیریز میں قومی ٹیم کو شکست سے دوچار کیا۔

یاد رہے کہ پاکستان اور نیوزی لینڈ کے درمیان ٹی ٹوئنٹی میچز 12، 14، 17، 19 اور 21 جنوری کو کھیلے جائیں گے۔