پیپلز پارٹی کے امیدوار کو تیر کی جگہ چینک کا نشان الاٹ

 پیپلزپارٹی کے سینیٹر تاج حیدر نے  پارٹی امیدوار فیاض بھٹی کو چینک کا نشان دینے پر چیف الیکشن کمشنر کو خط لکھ دیا۔

پیپلزپارٹی کے امیدوار فیاض بھٹی کو پی پی163 لاہور سے  تیر کے بجائےچینک کا نشان دیا گیا جس پر  پیپلزپارٹی کے سینیٹر تاج حیدر نے چیف الیکشن کمشنر سکندر سلطان راجا کو خط لکھ دیا۔

خط کے مطابق فیاض بھٹی نے پیپلز  پارٹی کا ٹکٹ جمع کرایا لیکن انہیں آزاد کہہ کر چینک کا نشان دیا گیا۔

سینیٹر تاج حیدرکے  خط میں کہا گیا ہے کہ الیکشن کمیشن فوری طور پر فیاض بھٹی کو تیر کا نشان الاٹ کرے۔

اس کے علاوہ سینیٹر تاج حیدر نے خط میں یہ بھی کہا کہ الیکشن کمیشن تحقیقات بھی کرائے کہ کیسے پیپلزپارٹی کے امیدوار کو چینک کا نشان دیا گیا۔

یاد رہے کہ ملک بھر میں 8 فروری کو انتخابات شیڈول ہیں اور الیکشن کمیشن نے سیاسی جماعتوں اور آزاد امیدواروں کو انتخابی نشان الاٹ کر دیے ہیں۔

شکار کا موسم ہے اور شیر کا شکار بلے سے نہیں تیر سے ہو گا: بلاول

کارکن اپنے ساتھیوں کو بتائیں پیپلز پارٹی ہی وہ جماعت ہے جو ن لیگ کو ہرا سکتی ہے، یہ الیکشن ایسے لڑنا ہے جیسے زندگی اور موت کا مسئلہ ہو: چیئرمین پی پی

آصف زرداری کے خیبر پختونخوا میں افغان شہریوں کے بطور ووٹر رجسٹرڈ ہونے کے ثبوت نہیں مل سکے

آصف زرداری کے اس دعوے کا کوئی ثبوت نہیں ہے کہ 2024 کے پارلیمانی انتخابات کیلئےافغانستان کے شہریوں کو پاکستان میں ووٹر کے طور پر غیر قانونی طور پر رجسٹرڈ کیا گیا ہے