19 جنوری ، 2024 
ویڈیو: میٹنگ میں پارٹی خدمات گنوانے پر پی ٹی آئی کے سابق وزیر کو 8 سالہ لڑکے نے جھوٹا بول دیا
19 جنوری ، 2024
چارسدہ سے صوبائی اسمبلی کی نشست پی کے 65 سے آزاد امیدوار اور سابق صوبائی وزیر قانون فضل شکور انتخابی مہم کے دوران پی ٹی آئی حکومت کی کامیابیاں گنوا رہے تھے کہ 8 سال کے بچنے نے انہیں جھوٹا بول دیا۔
پی ٹی آئی کے سابق صوبائی وزیر قانون فضل شکور کی وائرل ویڈیو میں انہیں چارسدہ میں انتخابی مہم کے دوران کارنر میٹنگ سے خطاب کرتے دیکھا جاسکتا ہے۔
کارنر میٹنگ سے خطاب میں فضل شکور نے کہا کہ پی ٹی آئی واحد جماعت ہے جس کی حکومت میں مساجد کی سولرائزیشن کی گئی، مساجد کے آئمہ کرام کیلئے تنخواہیں مقرر کی گئیں۔
سابق وزیر کی تقریر کے دوران ایک لڑکا آوازیں کسنے لگا کہ یہ سب جھوٹ ہے جس پر سابق صوبائی وزیر ہنس پڑے اور بچے کیلئے تالیاں بجائیں۔
دوسری جانب جیو نیوز سے بات چیت میں سابق وزیر فضل شکور نے کہا کہ تنقید کا حق سب کو ہے، تنقید اور آوازیں 7 یا 8 سال کے بچے نے لگائیں جسے کچھ بھی پتا نہیں تاہم اس بچے کی رائے کا بھی احترام کرتے ہیں۔
