21 جنوری ، 2024 
پیرس اولمپکس میں کوالیفائی کرنے کیلئے پاکستان کے پاس آخری موقع
21 جنوری ، 2024
پیرس اولمپکس کوالیفائر ایونٹ میں پاکستان ہاکی ٹیم اولمپکس میں کوالیفائی کرنے کے لیے آخری موقع کے طور پر آج نیوزی لینڈ سے تیسری پوزیشن کا میچ کھیلے گی۔
عمان کے شہر مسقط میں جاری اولمپکس کوالیفائر ایونٹ اپنے اختتامی مراحل میں داخل ہو گیا ہے، نیوزی لینڈ سے کھیلے جانے والے میچ میں فتح کی صورت میں پاکستان ہاکی ٹیم اولمپکس کیلئے کوالیفائی کر سکتی ہے۔
جرمنی اور انگلینڈ کی ٹیموں کے درمیان فائنل آج ہوگا، پہلے سیمی فائنل میں جرمنی نے پاکستان کو چار گول سے شکست دی تھی جبکہ انگلینڈ نے نیوزی لینڈ کو ایک کے مقابلے میں تین گول سے ہرا دیا تھا۔
تیسری پوزیشن کیلئے پاکستان اور نیوزی لینڈ کے درمیان مقابلہ ہوگا، ٹورنامنٹ کی ٹاپ تھری ٹیمیں پیرس اولمپکس کیلئے کوالیفائی کریں گی۔
واضح رہے کہ انگلینڈ اور جرمنی نے فائنل میں پہنچ کر پیرس اولمپکس کا ٹکٹ پکا کر لیا ہے جبکہ پاکستان ہاکی ٹیم کے پاس پیرس اولمپکس تک رسائی کا آخری موقع ابھی موجود ہے۔
پاکستان اور نیوزی لینڈ کے مابین تیسری اور چوتھی پوزیشن کا میچ آج پاکستانی وقت کے مطابق شام 7 بجے کھیلا جائے گا۔
مزید خبریں :
لاہور قلندرز نے ڈیرن گوف کو ہیڈ کوچ مقررکردیا
01 نومبر ، 2024
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
