22 جنوری ، 2013 
فنکشنل لیگ کا سندھ میں ضمنی انتخابات میں حصہ نہ لینے کا اعلان
22 جنوری ، 2013
کراچی…مسلم لیگ فنکشنل نے سندھ کے ضمنی انتخابات میں حصہ نہ لینے کا اعلان کیا ہے۔ پیر پگارا کا کہنا ہے کہ کارکن عام انتخابات کے لیے تیاریاں تیز کر دیں۔ ٹنڈو الہٰ یار کے مگسی اتحاد کے رہنما لکھی رند، امتیاز عمر اور اللہ ڈنو نے کراچی میں پیر پگارا سے ملاقات کر کے مسلم لیگ فنکشنل میں شمولیت کا اعلان کیا۔ اس موقع پر پیر پگارا نے کہاکہ مسلم لیگ فنکشنل کے امیدواروں کے پاس ضمنی انتخابات میں ضائع کرنے کے لیے پیسے نہیں ہیں، کارکن عام انتخابات کے لیے تیاریاں تیز کر دیں۔ میڈیا سے گفتگو میں مسلم لیگ فنکشنل کے رہنما امتیاز شیخ کا کہنا تھا کہ دو ماہ کے لیے ضمنی انتخابات وقت اور پیسوں کا ضیاع ہے۔ ان کا کہنا تھا کہ وزیراعلیٰ سندھ سید قائم علی شاہ خیر پور کی عورتوں سے ڈرتے ہیں، اسی لیے نصرت سحر عباسی کو سندھ اسمبلی میں اپوزیشن لیڈر نہیں بنایا جا رہاہے۔
مزید خبریں :
دل کا رشتہ : ایک قابلِ اعتماد رشتہ ایپ
10 گھنٹے پہلے
پشاور ہائیکورٹ: ملٹری کورٹ سے سنائی گئی سزائیں درست قرار
10 گھنٹے پہلے
