27 جنوری ، 2024 
پاکستان
الیکشن میں 2018 کے انتخابات جیسا ماحول نہیں، جوش و خروش کم ہے: گیلپ سروے
27 جنوری ، 2024
گیلپ پاکستان کے سروے میں 57 فیصد پاکستانیوں نے 8 فروری کے عام انتخابات میں جوش وخروش کی کمی کا شکوہ کیا ہے۔
عوامی آراء جاننے کے حوالے سے معروف ادارے گیلپ پاکستان نے الیکشن مہم کے حوالے سے نیا سروے جاری کیا ہے۔
سروے میں 57 فیصد پاکستانیوں نے 8 فروری کے عام انتخابات میں جوش وخروش کی کمی کا شکوہ کیا اور کہاکہ 2018 کے عام انتخابات جیسا ماحول نہیں، پہلے سے تیاری اور جوش و خروش کم ہے۔
سروے میں 14فیصد پاکستانیوں نے اختلاف کیا اور کہاکہ گزشتہ عام انتخابات سے زیادہ تیاری اور جوش وجزبہ موجود ہے البتہ 10فیصد نے سیاسی جوش و خروش گزشتہ انتخابات جیسا ہونے کا ہی کہا۔
