01 فروری ، 2024 
پاکستان
حیدر آباد کی خاتون جوڈیشل مجسٹریٹ نے جرم ثابت ہونے پر خاتون کو 6 ماہ قید کی سزا سنائی/ فائل فوٹو
عدالت نے آن لائن قابلِ اعتراض تصاویر اور ویڈیوز کی تشہیر کرنیوالی خاتون کو سزا سنادی
01 فروری ، 2024
حیدرآباد کی مقامی عدالت نے آن لائن قابلِ اعتراض تصاویر اوریڈیوز کی سوشل میڈیا پر تشہیر میں ملوث خاتون کو سزا سنادی۔
ایف آئی اے کے تفتیشی حکام کے مطابق شمائلہ نامی ملزمہ کو قابلِ اعتراض تصاویر اور ویڈیوز کی سوشل میڈیا پر تشہیر ثابت ہونے پر سزا سنائی گئی۔
ملزمہ کے خلاف سال 2023 میں سائبر کرائم حیدرآباد میں مقدمہ درج کیا گیا تھا جس کی سماعت مکمل ہونے پر جوڈیشل مجسٹریٹ حیدرآباد عالیہ سحر قائم خانی نے ملزمہ کو 6 ماہ قید سنائی۔
ایف آئی اے کی جانب سے اسسٹنٹ ڈائریکٹر لیگل غضنفر علی بھٹو نے مقدمے کی پیروی کی۔
