آپ کو ہمیشہ صحت مند رکھنے کیلئے روزمرہ کی 10 بہترین عادات

صحت ایسی دولت ہے جس کے بغیر لمبی زندگی بوجھ محسوس ہونے لگتی ہے۔

جب بات اچھی صحت کی ہو تو لوگ کافی الجھن کا شکار ہوجاتے ہیں یہاں تک کہ ماہرین بھی لگتا ہے کہ جیسے ایک دوسرے سے متضاد رائے رکھتے ہیں۔

تاہم تمام تر عدم اتفاق کے باوجود اچھی صحت کے حصول کے لیے کچھ چیزیں ایسی ہیں جن کی سائنس نے ٹھوس انداز سے تصدیق کی ہے۔

تو ایسی ہی بہترین ٹپس جانیں جن کو آج اپنانے سے آپ مختلف امراض کو خود سے دور رکھ سکتے ہیں اور صحت مند رہ سکتے ہیں۔

سیڑھیاں چڑھنے کی عادت کے 9 فوائد جان لیں

سیڑھیاں چڑھنے کی عادت سے آپ خود کو جسمانی طور پر زیادہ متحرک رکھ سکتے ہیں۔

نیند کو ترجیح دیں

تصور کریں کہ آپ ایک اسمارٹ فون کو 12 فیصد بیٹری کے ساتھ پورا دن چلانے کی کوشش کریں تو کیا ہوگا؟ کچھ ایسا ہی حال ہمارے جسم کا بھی نیند کی کمی سے ہوتا ہے۔

جسم کو آرام اور ری چارج ہونے کے لیے ہی نیند کی ضرورت نہیں ہوتی بلکہ اس کے دوران ہمارا دماغ نئی چیزوں کو سیکھنے اور یادداشت کو مستحکم کرنے جیسے افعال بھی سرانجام دیتا ہے۔

زیادہ چلنا عادت بنائیں

چہل قدمی سے جسم اور دماغ دونوں کو فائدہ ہوتا ہے اور یہی وجہ ہے کہ اسے روزانہ کی عادت بنالینا چاہیے۔

مچھلی کے تیل کے استعمال سے جسم کیا فوائد ہوتے ہیں؟

مچھلی کے تیل میں اومیگا تھری فیٹی ایسڈز کے ساتھ ساتھ وٹامن اے اور ڈی بھی موجود ہوتے ہیں۔

تحقیقی رپورٹس کے مطابق چہل قدمی سے مدافعتی نظام مضبوط ہوتا ہے، جوڑوں کے امراض کا خطرہ کم ہوتا ہے جبکہ صحت مند جسمانی وزن کو برقرار رکھنا آسان ہو جاتا ہے۔

مطالعہ کرنا مت بھولیں

تناؤ کے شکار ہیں؟ تو ایک کتاب کھول کر پڑھنا شروع کر دیں۔

ایک تحقیق میں دریافت کیا گیا کہ روزانہ 30 منٹ تک مطالعہ کرنے سے تناؤ کو کنٹرول کرنے میں مدد ملتی ہے، بلکہ یہ طریقہ کار یوگا یا مزاح جتنا ہی مؤثر ثابت ہوتا ہے۔

چینی کا استعمال نہ کرنے سے جسم پر کیا اثرات مرتب ہوتے ہیں؟

چینی جسم میں جاکر فوری طور پر ہضم ہوجاتی ہے جس سے بلڈ شوگر کی سطح میں بہت تیزی سے اضافہ ہوتا ہے۔

مطالعے کی عادت سے دماغی صحت کو بھی فائدہ ہوتا ہے۔

ایک تحقیق میں دریافت کیا گیا کہ مطالعے سے دماغی صحت کو مختصر المدت اور طویل المعیاد بنیادوں پر فائدہ ہوتا ہے جبکہ عمر میں اضافے آنے والی دماغی تنزلی سے لڑنے میں مدد ملتی ہے۔

گھر سے باہر وقت گزاریں

جب آپ گھر سے باہر کسی سرسبز مقام میں وقت گزارتے ہیں تو اس سے دماغی افعال بہتر ہوتے ہیں، توجہ مرکوز کرنے میں مدد ملتی ہے، دماغی امراض کا خطرہ کم ہوتا ہے جبکہ سماجی میل جول بڑھتا ہے۔

ہر سال ایک کروڑ اموات کا باعث بننے والے کینسر کے مرض سے بچنے میں مددگار آسان عادات

گزشتہ 2 دہائیوں کے دوران کینسر کے شکار ہونے والے افراد کی تعداد میں لگ بھگ دوگنا اضافہ ہوچکا ہے۔

پھلوں سبزیوں کا استعمال کریں

یہ آپ کو معلوم ہی ہوگا کہ صحت بخش غذاؤں کا استعمال صحت کو بہتر بناتا ہے۔

مگر کیا آپ کو معلوم ہے کہ پھلوں اور سبزیوں کے زیادہ استعمال سے بلڈ پریشر اور کولیسٹرول کی سطح کو مستحکم رکھنے میں مدد ملتی ہے اور مختلف دائمی امراض کا خطرہ کم ہوتا ہے؟

پھلوں اور سبزیوں میں وٹامنز، منرلز اور دیگر غذائی اجزا کی مقدار بہت زیادہ ہوتی ہے جن کی ہمارے جسم کو اپنے افعال کے لیے ضرورت ہوتی ہے۔

قبض، پیٹ پھولنے اور نظام ہاضمہ کے دیگر امراض سے بچانے کیلئے بہترین غذائیں

متعدد افراد کو نظام ہاضمہ کے مسائل جیسے پیٹ پھولنے، پیٹ درد، گیس، ہیضہ اور قبض کا سامنا ہوتا ہے۔

پانی کا زیادہ استعمال

ہمارے جسم کا زیادہ تر حصہ پانی پر مبنی ہے اور اسی لیے روزانہ مناسب مقدار میں پانی پینا ضروری ہے۔

پانی پینے سے جسم زہریلے مواد کو خارج کرتا ہے جبکہ جوڑوں کی نمی برقرار رہتی ہے۔

اس کے ساتھ ساتھ مناسب مقدار میں پانی پینے سے بے وقت بھوک پر قابو پانے میں بھی مدد ملتی ہے جس سے جسمانی وزن کو کنٹرول میں رکھنا آسان ہو جاتا ہے۔

فالج اور ہارٹ اٹیک سمیت دل کے جان لیوا امراض سے بچانے میں مددگار بہترین غذائیں

آپ کا غذائی انتخاب بلڈ پریشر، خون میں چکنائی، کولیسٹرول اور ورم پر اثرانداز ہوتا ہے۔

تمباکو نوشی سے گریز

تمباکو نوشی کو صحت کے لیے نقصان دہ قرار دیا جاتا ہے۔

یہ عادت دل اور پھیپھڑوں کے لیے تباہ کن ثابت ہوتی ہے جبکہ دیگر متعدد اعضا کو بھی نقصان پہنچاتی ہے۔

اگر آپ لمبی اور صحت مند زندگی چاہتے ہیں تو اس عادت کو ترک کر دیں۔

توند سے نجات کے لیے بہترین عادات جان لیں

اس چربی کے نتیجے میں امراض قلب، ذیابیطس اور دیگر سنگین طبی مسائل کا خطرہ بڑھتا ہے۔

پیاروں کے ساتھ وقت گزاریں

اپنے دوستوں یا گھر والوں کے وقت گزارنے سے زندگی میں خوشی کا احساس بڑھتا ہے اور دماغی امراض سے بچنے میں مدد ملتی ہے۔

فونز سے بھی دوری اختیار کریں

یقیناً موجودہ عہد میں اسمارٹ فونز یا دیگر ڈیجیٹل ڈیوائسز سے مکمل دوری ممکن نہیں مگر ان کا استعمال محدود کرنا بھی فائدہ مند ہوتا ہے۔

ناشتہ نہ کرنے کی عادت کے 3 حیرت انگیز اثرات

ناشتے سے جسم کو دن کے آغاز پر توانائی ملتی ہے اور آپ کے پاس موقع ہوتا ہے کہ صحت بخش غذاؤں سے جسم کو دن کا آغاز کرنے دیں۔

اسمارٹ فونز سے دوری سے نیند کا معیار بہتر ہوتا ہے، ڈپریشن اور انزائٹی کی علامات کی شدت گھٹ جاتی ہے جبکہ توجہ مرکوز کرنے میں مدد ملتی ہے۔

اسکرین کے سامنے کم وقت گزارنے سے تناؤ سے بچنے میں بھی مدد ملتی ہے۔

اگر فون سے دور رہنا مشکل محسوس ہوتا ہے تو پہلے سوشل میڈیا ایپس کا استعمال کم کر دیں اور پھر فرق دیکھیں۔

وٹامن ڈی کی کمی جسم پر کیا اثرات مرتب کرتی ہے؟

ایک تخمینے کے مطابق دنیا بھر میں ایک ارب افراد وٹامن ڈی کی کمی کا سامنا کررہے ہیں۔

کسی نئے مشغلے کو اپنا لیں

کسی نئے مشغلے کو اپنانے سے تناؤ سے نجات پانے اور دماغی صحت کو بہتر بنانے میں مدد ملتی ہے۔

اگر آپ کسی جسمانی سرگرمی سے متعلق مشغلے کو اپناتے ہیں تو اس سے بھی جسمانی اور دماغی صحت کو فائدہ ہوتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔