10 فروری ، 2024 
پاکستان
’کچھ تمیز کرلیں میں آپکا چچا ہوں‘، پرویز خٹک کا پی ٹی آئی کارکنوں کے نعروں پر ردعمل
10 فروری ، 2024
پاکستان تحریک انصاف پارلیمنٹیرینز کے سربراہ پرویز خٹک کی انتخابات کے بعد اپنے حلقے میں باہر نکلنے کی ویڈیو وائرل ہوگئی۔
سوشل میڈیا پر ایک ویڈیو وائرل ہے جس میں دیکھا جا سکتا ہے کہ سابق وزیر دفاع کی موجودگی میں پی ٹی آئی کارکن نعرے لگا رہے ہیں۔
پرویز خٹک کو دیکھ کر پاکستان تحریک انصاف کے کارکنوں نے’عمران خان زندہ باد اور کون بچائے گا پاکستان‘ کے نعرے لگائے۔
پرویز خٹک نے نعروں کے جواب میں کہا کہ ’کچھ تمیز کرلیں میں آپ کا چچا ہوں، آپ میں کوئی تمیز نہیں‘۔
خیال رہے کہ عام انتخابات میں نتائج کے مطابق خیبر پختونخوا سے پرویز خٹک کو دو صوبائی حلقوں سے شکست کا سامنا کرنا پڑا جبکہ ان کے دو بیٹے بھی نہیں جیت سکے۔
