24 جنوری ، 2013 
ایل او سی پرپاکستانی چوکی پر حملے کی تحقیقات شروع کردی گئی،یو این
24 جنوری ، 2013
نیویارک…اقوام متحدہ کا کہنا ہے کہ چھ جنوری کو لائن آف کنٹرول پر پاکستانی چوکی پر حملے کی تحقیقات کا آغازکر دیا گیا ہے۔اقوام متحدہ کے امن مشن اور فیلڈ سپورٹ ڈیپارٹمنٹ کے ترجمان آندرے مچل نے برطانوی نشریاتی ادارے کے سوال کے تحریری جواب میں کہاہے کہ چھ جنوری کو لائن آف کنٹرول پر پاکستانی چوکی پر حملے کی تحقیقات کا آغاز بیس جنوری سے ہو گیا ہے۔ چھ جنوری کو لائن آف کنٹرول پر بھارت کی جانب سے پاکستانی چوکی پر حملے میں ایک پاکستانی فوجی شہید اور ایک زخمی ہوا تھا۔ واقعے کے بعد پاکستان نے باضابطہ طور پر اقوام متحدہ کے مبصر مشن سے تحقیقات کا مطالبہ کیا تھا۔ ترجمان نے کہاکہ تحقیقات کا آغاز چودہ جنوری کو ہونا تھا تاہم موسم کے باعث ملتوی کرنا پڑا۔ترجمان کا کہنا ہے کہ شدید برف باری کے باعث اقوام متحدہ کے مبصر مشن کے ارکان کی رسائی اس علاقے تک ممکن نہیں تھی۔
مزید خبریں :
