الیکشن کمیشن نے عون چوہدری اور امیر مقام کی کامیابی کا نوٹیفکیشن جاری کر دیا

الیکشن کمیشن کی جانب سے قومی اسمبلی کی مزید دو نشستوں پر کامیاب امیدواروں کے نوٹیفکیشن جاری کر دیے گئے ہیں۔

قومی اسمبلی کے حلقہ این اے 128 لاہور سے استحکام پاکستان پارٹی ( آئی پی پی ) کے عون چوہدری کی کامیابی کا نوٹیفکیشن جاری کیا گیا ہے۔

اس کے علاوہ این اے 11 شانگلہ سے مسلم لیگ ن کے امیر مقام کی کامیابی کا نوٹیفکیشن بھی الیکشن کمیشن نے جاری کر دیا ہے۔

این اے 128: عدالت نے الیکشن کمیشن کو عون چوہدری کی کامیابی کا نوٹیفکیشن جاری کرنے سے روک دیا

قومی اسمبلی کے حلقہ این اے 128 لاہور سے پاکستان تحریک انصاف کے حمایت یافتہ آزاد امیدوار سلمان اکرم راجا نے انتخابی نتائج کو لاہور ہائیکورٹ میں چیلنج کیا تھا۔

الیکشن کمیشن نے دونوں نشستوں کے تفصیلی گزٹ نوٹیفکیشن بھی جاری کر دیے۔

واضح رہے کہ  اب تک قومی اسمبلی کی7نشستوں پر کامیابی کے نوٹی فکیشن جاری ہوچکے ہیں۔