پاکستان اسٹاک ایکسچینج میں شدید مندی، 100 انڈیکس 953 پوائنٹس کم ہوگیا

پاکستان اسٹاک ایکسچینج میں آج کاروبار کا منفی رجحان رہا اور 100 انڈیکس 953 پوائنٹس کم ہوگیا۔

ماہ رمضان کے پہلے روز پاکستان اسٹاک ایکسچینج میں کاروبار کے آغاز میں ملاجلا رجحان رہا۔

 تاہم  بعد ازاں اسٹاک مارکیٹ میں مندی دیکھی گئی اور کاروبار کے اختتام پر  100 انڈیکس 953 پوائنٹس کم ہوکر 64 ہزار 801 پر آگیا۔

کاروباری دن میں 100 انڈیکس 1194 پوائنٹس کے بینڈ میں رہا، کاروباری دن میں 100 انڈیکس کی کم ترین سطح 64 ہزار 664  رہی۔

آج بازار  میں 32 کروڑ 17 لاکھ شیئرز کے سودے ہوئے، شیئرز  بازار کےکاروبار کی مالیت 10.85 ارب  روپے رہی۔

مارکیٹ کیپٹلائزیشن 132 ارب روپےکم  ہوکر 9 ہزار  228 ارب روپے ہے۔

دوسری جانب نوحلف یافتہ وزیر خزانہ محمد اورنگزیب نے تصدیق کی ہےکہ پاکستان آئی ایم ایف سے اہم مذاکرات کےلیے رسمی درخواست کرنے والا ہے۔

وزیر خزانہ محمد اورنگزیب نےکہا ہےکہ موجودہ مالی سال 2024 ایک مشکل سال ہوگا لیکن جلد تمام مسائل پر گفتگو کےلیے میڈیا کے ساتھ بیٹھیں گے، بریفنگ لے کر بات کروں گا، اپنی تمام ترتوانائیاں پاکستان کو درپیش مشکلا ت کے حل کےلیے استعمال کروں گا، اب باتیں زیادہ ہورہی ہیں لیکن اب ایکشن کا وقت آگیا ہے۔

محمد اورنگزیب اصلاحات لانے کیلئے وہ سب کچھ کریں گے جو ضروری ہوگا: بلوم برگ

امریکی معاشی جریدے بلوم برگ نے محمد اورنگزیب کی بطور وزیر خزانہ تقرری کو مثبت اقدام قرار دیا ہے

آئی ایم ایف پروگرام میں جانا ناگزیر، رواں ہفتے مذاکرات شروع ہونگے: وزیر خزانہ

موجودہ مالی سال 2024 ایک مشکل سال ہوگا لیکن جلد تمام مسائل پر گفتگو کےلیے میڈیا کے ساتھ بیٹھیں گے: محمد اورنگزیب