پاکستان کی مقبوضہ کشمیر میں سیاسی جماعتوں پر پابندیوں کی مذمت
19 مارچ ، 2024
پاکستان کی جانب سے مقبوضہ کشمیر میں سیاسی جماعتوں پر پابندیوں کےنئے دور کی مذمت کی گئی ہے۔
ترجمان دفتر خارجہ نے جموں وکشمیر پیپلز فریڈم لیگ اور جموں وکشمیر پیپلز لیگ کے 4دھڑوں کو غیرقانونی جماعتیں قرار دینےکے بھارتی فیصلے کی مذمت کی ہے۔
ترجمان نے کہا کہ پاکستان جموں و کشمیر لبریشن فرنٹ پر پابندی کو مزید 5 سال تک بڑھانےکے فیصلےکی بھی مذمت کرتا ہے، ان جماعتوں کے رہنماؤں کو بھی ظلم و ستم کا سامنا ہے۔
ترجمان دفتر خارجہ نے کہا کہ جابرانہ ہتھکنڈے کشمیری عوام کی ان کے ناقابل تنسیخ حق خودارادیت کےحصول کی خواہشات کو دبا نہیں سکتے، اختلاف رائے کچلنے کے لیے بھارتی مہم بین الاقوامی انسانی حقوق اور جمہوری اصولوں کی خلاف ورزی ہے۔
ترجمان کے مطابق بھارتی حکومت پر زور دیا جاتا ہے کہ وہ کشمیری جماعتوں پر سے پابندیاں اٹھائے اور یاسین ملک سمیت تمام سیاسی قیدیوں کو رہا کیا جائے۔
ترجمان دفتر خارجہ نے کہا کہ جموں و کشمیر کے حوالے سے اقوام متحدہ کی سلامتی کونسل کی قراردادوں پر عمل درآمد کروایا جائے۔
مزید خبریں :
روس نے یوکرین پر فضائی حملے تیز کر دیے
10 گھنٹے پہلے
