روس اورپاکستانی انتخابات میں موازنے کے سوال پر امریکی نائب ترجمان کا سخت ردعمل

 پریس بریفنگ کے دوران روسی اور پاکستان انتخابات کے موازنے سے متعلق پوچھے گئے سوال پر امریکی محکمہ خارجہ کے نائب ترجمان نے سخت ردعمل کا اظہار کردیا۔

واشنگٹن میں امریکی محکمہ خارجہ کے نائب ترجمان ویدانت پٹیل کا اپنی پریس بریفنگ کے دوران پوچھے گئے سوال کے جواب میں  کہنا تھا کہ دونوں انتخابات میں جمہوری عمل کا موازنہ کرنے پر ایشو اٹھاؤں گا۔

امریکا کا پاکستان میں دہشت گرد حملے سے جانی نقصان پر افسوس کا اظہار

امریکا پرعزم ہے کہ افغانستان دوبارہ کبھی دہشت گردوں کے لیے محفوظ پناہ گاہ نہ بنے، نائب ترجمان امریکی محکمہ خارجہ

انہوں نے کہا کہ یہ وہ فیصلے ہیں جو ان ممالک کے عوام کو کرنے چاہئیں، ان ممالک کے لوگوں کے پاس انتخاب، معلومات تک رسائی ہونی چاہیے جو ان کے فیصلہ کرنے میں مددکریں۔

امریکی نائب ترجمان کا کہنا تھا کہ یہ ان پر ہے کہ وہ اپنے ملک کی قیادت کیلئے کسے منتخب کریں اور وہ اسے کس سمت میں لے جانا چاہتے ہیں۔

ان کا کہنا تھا کہ پاکستان کا میڈیا قدرے مضبوط ہے جو اختلافی خیالات اورآرا کیلئے کھلا ہے،  روس میں اختلافی آوازوں کو دبانے اور خاموش کرنے کا واضح ریکارڈ موجود ہے۔