چین میں فکسنگ کے الزام میں ایک سال سے قید جنوبی کورین فٹبالرکو رہا کردیا گیا

چین میں ایک سال سے قید جنوبی کورین فٹبالر سون جون ہو کو رہا کردیا گیا۔

جنوبی کوریا کی وزارت خارجہ نے فٹبالر کی رہائی کی تصدیق کی اور کہا کہ سون جون ہو خیریت سے گھر پہنچ گئے ہیں۔

حراست کے دوران مختلف چینلز کے ذریعے چینی حکام سے رابطہ رہا اور منصفانہ ٹرائل کی درخواست کی تھی۔

خیال رہے کہ گزشتہ سال مئی میں سون جون ہو کو چائنیز سپر لیگ میں فکسنگ کے الزام پر گرفتارکیا گیا تھا۔

چین میں میچ فکسنگ کے الزام میں جنوبی کوریا کا فٹبالر گرفتار

چائنیز لیگ میں حصہ لینے والے 31 سالہ جنوبی کورین فٹبالر سن جون ہو اس وقت پولیس کی تحویل میں ہیں، انہیں شنگھائی ائیرپورٹ سے تحویل میں لیا گیا تھا: چینی وزارت خارجہ

جنوبی کورین فٹبالر سون جون ہو 2021 میں چین کے صوبے شین ڈونگ منتقل ہوئے تھے جہاں انہوں نے بطور مڈفیلڈر شین ڈونگ ٹائشن کیلئے کھیلنا شروع کیا تھا۔

وہ اپنے ملک جنوبی کوریا کیلئے 20 بین الاقوامی میچوں سمیت فٹبال ورلڈ کپ میں بھی حصہ لے چکے ہیں۔