07 اپریل ، 2024 
پاکستان
فوٹو: فائل
پاکستان تحریک انصاف کا عید کے بعد بڑے جلسے کرنے کا فیصلہ
07 اپریل ، 2024
پاکستان تحریک انصاف کے سینیئر رہنما علی محمد خان کا کہنا ہے کہ عید کے بعد بڑے جلسوں کی طرف جائیں گے۔
انہوں نے کہا کہ جلسوں کے ساتھ پرامن احتجاج بھی ہماراحق ہے، جلسہ یا احتجاج پریس کلب یا کسی بھی پبلک مقام پر کیا جائے گا۔
پی ٹی آئی رہنما نے کارکنان کو خبردار کرتے ہوئے کہا کہ کارکن کسی کو موقع نہ دیں کہ 9 مئی والے ڈرامے کا معاملہ ہو۔
اس کے علاوہ جیو نیوز کے پروگرام نیا پاکستان میں گفتگو کرتے ہوئے پی ٹی آئی رہنما علی محمد خان نے کہا بانی پی ٹی آئی عمران خان کے خلاف غلط مقدمات واپس ہونے چاہئیں، جو غلطی کی گئی اسے ٹھیک ہونا چاہیے۔
عام انتخابات میں دھاندلی کا الزام لگاتے ہوئے انہوں نے مطالبہ کیا کہ سپریم کورٹ کو انتخابی دھاندلی پر از خود نوٹس لینا چاہیے۔
