12 اپریل ، 2024 
پاکستان
ججز کو مستقل کرنے کی سفارش جوڈیشل کمیشن نے گزشتہ اجلاس میں کی تھی—فوٹو: فائل
صدر مملکت نے سندھ ہائیکورٹ کے 6 ججز کو مستقل کرنے کی منظوری دیدی
12 اپریل ، 2024
صدر مملکت آصف علی زرداری نے سندھ ہائی کورٹ کے 6 ججز کو مستقل کرنے کی منظوری دے دی۔
وزارت قانون نے ججز کو مستقل کیے جانے کا نوٹیفکشن بھی جاری کر دیا۔
نوٹیفکیشن کے مطابق سندھ ہائی کورٹ کے ایڈیشنل ججز جسٹس امجد علی بوھیو، جسٹس ثنا اکرم منہاس، جسٹس جواد اکبر سروانہ ،جسٹس خادم حسین سومرو، جسٹس عبدالرحمان اور جسٹس ارباب علی ہکڑو کو مستقل جج تعینات کیا گیا ہے۔
ان ججز کو مستقل کرنے کی سفارش جوڈیشل کمیشن نے گزشتہ اجلاس میں کی تھی۔ پارلیمانی کمیٹی کی منظور ی کے بعد صدر مملکت نے بھی ججز کو مستقل کرنے کی منظوری دی۔
