سندھ کی گورنر شپ پرپہلا و آخری حق ایم کیو ایم کا ہے: فاروق ستار

کراچی: متحدہ قومی موومنٹ پاکستان کے سینئر رہنما فاروق ستار  کا کہنا ہے کہ سندھ کی گورنرشپ  پر پہلا اورآخری حق ایم کیو ایم کا ہے۔

 جیونیوز سے گفتگو کرتے ہوئے فاروق ستار نے کہا کہ ایم کیو ایم کےگورنر کامران ٹیسوری ہیں اور گورنرکیلئے کامران ٹیسوری کےعلاوہ ایم کیوایم نےکوئی نام نہیں دیا۔

انہوں نے کہا کہ سندھ کی گورنرشپ کسی کی خواہش ہوسکتی ہے، ایم کیو ایم کا اس سے تعلق نہیں، سندھ کی گورنرشپ پر پہلا اورآخری حق ایم کیو ایم کا ہے۔

گورنر سندھ کیلئے جسٹس (ر) مقبول باقر کے نام کی بازگشت، مبارکبادیں ملنے لگیں

فی الحال معلوم نہیں تاہم لوگ مبارکبادیں دے رہے ہیں: جسٹس (ر) مقبول باقر کی جیو نیوز سے گفتگو

واضح رہے کہ منگل کو گورنر سندھ کی تبدیلی کی باز گشت سامنے آئی جس میں جسٹس ریٹائرڈ مقبول باقر کا نام گورنر سندھ کیلئے زیر گردش تھا جو حال ہی میں سندھ کے نگران وزیر اعلیٰ بھی رہ چکے ہیں۔

اس حوالے سے جیونیوز سے بات کرتے ہوئے جسٹس (ر) مقبول باقر نے کہا تھا کہ گورنری سے متعلق فی الحال معلوم نہیں تاہم لوگ مبارکبادیں دے رہے ہیں۔