ملزمان سے 10 کروڑ رقم برآمد ہوچکی، گیپکو کے 19 افسر فراڈ کیس سے ڈسچارج

گوجرانوالا کی عدالت نے گوجرانوالا الیکٹرک پاور کمپنی (گیپکو) کے بجلی بلوں میں کروڑوں کے فراڈ کے مقدمے میں گرفتار 19 افسران کو ڈسچارج کردیا جبکہ ایک افسر کو تین روزہ جسمانی ریمانڈ پر وفاقی تحقیقاتی ایجنسی (ایف آئی اے) کے حوالے کردیا گیا۔

ایف آئی اے نے گرفتار گیپکو افسران کو مقامی عدالت میں پیش کیا۔ دوران سماعت ایف آئی اے کے تفتیشی افسر نے عدالت کو بتایا کہ ملزمان سے فراڈ کی 10 کروڑ 5 لاکھ کی رقم برآمد ہوچکی ہے، ملزمان کو مقدمے سے ڈسچارج کرنے پر ایف آئی اے کو کوئی اعتراض نہیں۔

عدالت نے 19 ملزمان کو مقدمہ سے ڈسچارج کردیا تاہم کمرشل اسسٹنٹ نعیم کا 3 روزہ جسمانی ریمانڈ دے دیا۔

کروڑوں روپے اوور بلنگ اور غبن کے الزام میں گیپکو کے 20 افسران گرفتار

ملزمان صارفین کی طرف سے بجلی بلوں کی مد میں جمع کروائی گئی اماؤنٹ کی خزانے میں جعلی انٹری کرتے اور رقم اپنی جیبوں میں ڈال لیتے تھے: ایف آئی اے

گیپکو کے بجلی بلوں میں فراڈ کا معاملہ دو روز قبل سامنے آیا تھا۔ ایف آئی اے کے مطابق گیپکو کے ریونیو اور اکاؤنٹس برانچ کے افسر خزانے میں جعلی انٹریاں کرتے اور بجلی بلوں کی رقم اپنی جیبوں میں ڈالتے رہے۔