نئے آئی جی اسلام آباد نے نوٹیفکیشن کے 22 روز بعد عہدے کا چارج سنبھال لیا

وفاقی دارالحکومت اسلام آباد کے نئے  آئی جی  علی ناصر رضوی نے اپنے عہدے کا چارج سنبھال لیا۔ 

ذرائع کے مطابق  آئی جی اسلام آباد علی ناصر رضوی نےنوٹیفیکشن جاری ہونےکے 22 دن بعد عہدے کا چارج سنبھالا، ان کی بطور آئی جی اسلام آباد تعیناتی کا نوٹیفکیشن 30 مارچ کو جاری ہوا تھا۔ 

دوسری جانب ڈی پی او سرگودھا کامران فیصل کو   ڈی آئی جی آپریشنز لاہور تعینات  کردیا گیا ہے،  پنجاب حکومت نے کامران فیصل کی تعیناتی کا نوٹیفکیشن  بھی جاری کردیا ہے۔ 

علی ناصر رضوی کے آئی جی تعینات ہونے پر وزارت داخلہ اور پنجاب حکومت کے درمیان تنازع تھا جس میں پنجاب حکومت نے اہم افسران وفاق کو دینے سے معذرت کرلی تھی اور  آئی جی اسلام آباد کیلئے نامزد افسر کو ریلیو کرنے سے انکار کیا تھا۔

پنجاب حکومت کی اہم افسران وفاق کو دینے سے معذرت، آئی جی اسلام آباد کیلئے نامزد افسر کو ریلیو کرنے سے انکار

محسن نقوی سیکرٹری سی اینڈ ڈبلیو سہیل اشرف کوپی سی بی میں لے جانا چاہتے ہیں تاہم پنجاب حکومت نے انہیں پی سی بی میں رپورٹ کرنے سے روک دیا: ذرائع

آئی جی اسلام آبادکی تعیناتی پر وزارت داخلہ اور پنجاب حکومت میں معاملات طے ہوگئے

پنجاب حکومت کی جانب سے نئے تعینات ہونے والے آئی جی اسلام آباد علی ناصر رضوی کو پیرکو ریلیو کردیا جائےگا، ذرائع