پاکستان
02 فروری ، 2013
02 فروری ، 2013 
ہنگو:دھماکے میں جاں بحق افراد کی تعداد29ہوگئی، شہرمیں فضا سوگوار
02 فروری ، 2013
ہنگو …ہنگو میں گذشتہ روز کے خودکش حملے میں جاں بحق افراد کی تعداد 29ہوگئی ہے،جاں بحق 7افراد کی تدفین کردی گئی ہے۔شہر میں سیکیورٹی سخت ہے۔تمام تعلیمی ادارے ،دفاتر اور بازار بند ہیں۔ہنگو کے مرکزی پٹ بازار میں نماز جمعہ کے بعد خود کش دھماکے میں ہلاکتوں کے بعد شہر میں سوگ کی فضا قائم ہے۔تمام نجی و سرکاری تعلیمی ادارے ،کاروباری مراکز اور بازار بند ہیں۔شہر کے داخلی و خارجی راستوں کی ناکہ بندی کر کے چیکنگ کی جارہی ہے۔دھماکے کی جگہ کو خاردار تاریں لگا کر بند کردیاگیا ہے۔دھماکے میں جاں بحق افراد میں سات کی تدفین کردی گئی ہے۔ ڈی پی او میاں سعید احمد کے مطابق واقعے کے 5مقدمات درج کیے گئے۔جن میں قتل،اقدام قتل اور دہشت گردی کی دفعات شامل ہیں۔
مزید خبریں :
