18 مئی ، 2024 
پاکستان
جہانگیر ترین نے عام انتخابات میں اپنی دونوں نشستوں پر شکست کے بعد پارٹی عہدہ چھوڑنے اور سیاست کو خیر باد کہنے کا اعلان کیا تھا: فائل فوٹو
وزیراعظم نے جہانگیر ترین کو اکنامک ایڈوائزری کونسل میں شامل کر لیا
18 مئی ، 2024
وزیراعظم شہبازشریف نے بانی استحکام پاکستان پارٹی جہانگیر ترین کو اکنامک ایڈوائزری کونسل میں شامل کر لیا۔
جہانگیر خان ترین کی ایک بار پھر حکومتی راہداریوں میں واپسی ہوئی ہے اور وزیراعظم شہبازشریف نے جہانگیر خان ترین کو اکنامک ایڈوائزری کونسل میں شامل کر لیا ہے۔
اکنامک ایڈوائزری کونسل کے دیگر ارکان میں ثاقب شیرازی، شہزاد سلیم، مصدق ذوالقرنین، ڈاکٹر اعجاز نبی، آصف پیر، زیاد بشیر اور سلمان احمد شامل ہیں۔
یاد رہے بانی استحکام پاکستان پارٹی جہانگیر ترین نے آٹھ فروری کے عام انتخابات میں اپنی دونوں نشستوں پر شکست کھانے کے بعد پارٹی عہدہ چھوڑنے اور سیاست کو خیر باد کہنے کا اعلان کیا تھا۔
