01 جون ، 2024 
پاکستان
امتحانی مرکز کے باہر پتھروں اور لاٹھیوں سے حملہ کیا گیا، ہماری گاڑیوں پر فائرنگ بھی کی گئی: چیئرمین نوابشاہ بورڈ۔
چیئرمین نوابشاہ بورڈ کا امتحانی مرکز پر چھاپہ، بڑی تعداد میں موبائل فون برآمد، بورڈ ٹیم کی گاڑیوں پر فائرنگ
01 جون ، 2024
چیئرمین نوابشاہ بورڈ نے کلہوڑہ کے امتحانی مرکز پر چھاپہ مارا جس دوران بڑی تعداد میں موبائل فون اور نقل کا مواد بھی برآمد ہوا۔
انتظامیہ کی جانب سے بھی تصدیق کی گئی ہے کہ کلہوڑہ کے امتحانی مرکز پر چیئرمین نوابشاہ بورڈ کے چھاپے کے دوران طلبا سے بڑی تعداد میں موبائل فون اور نقل کا مواد برآمد ہوا۔
چیئرمین نوابشاہ بورڈ ڈاکٹرفاروق نے اس حوالے سے بتایا کہ امتحانی مرکز کے باہر پتھروں اور لاٹھیوں سے حملہ کیا گیا، ہماری گاڑیوں پر فائرنگ بھی کی گئی۔
ڈاکٹر فاروق کا کہنا ہے کہ واقع کی رپورٹ وزیر برائے بورڈ یونیورسٹی اور متعلقہ تھانے کو دیدی ہے۔
