03 جولائی ، 2024 
پاکستان
فوٹو: فائل
پارٹی میں اختلافات پر بانی پی ٹی آئی پریشان، پارٹی کے دو گروپوں کو ملاقات کیلئے بلالیا
03 جولائی ، 2024
پارٹی میں اختلافات پر بانی پی ٹی آئی پریشان ہوگئے، دونوں گروپوں کو ملاقات کیلئے اڈیالہ جیل بلالیا۔
جیو نیوز کے پروگرام آج شاہزیب خانزادہ کے ساتھ میں بات چیت کرتے ہوئے نمائندہ جیو نیوز شبیر ڈار نے بتایا کہ صحافیوں سے گفتگو میں بانی پی ٹی آئی نے کہا کہ دونوں گروپوں کو 4 جولائی کو طلب کیا ہے۔
بانی پی ٹی آئی نے صحافیوں سے بات چیت کے دوران کہا کہ وہ خود ان سے مل کر بات کریں گے، معاملہ حل ہوجائے گا۔
اس سوال پر کہ دو گروپ کون سے ہیں؟ تو بانی پی ٹی آئی نے جواب دیا کہ گروپوں سے بات کرنے کے بعد صورتِ حال سے آگاہ کریں گے۔
پی ٹی آئی کی قیادت پر فواد چوہدری کی تنقید اور ملاقات کیلئے بلانے سے متعلق سوال کا انہوں نے جواب نہیں دیا۔
مزید خبریں :
کراچی میں آئندہ 24 گھنٹوں میں موسم کیسا رہے گا؟
2 گھنٹے پہلے
ملک کے آلودہ ترین شہروں میں سکھر سرفہرست رہا
2 گھنٹے پہلے
