03 جولائی ، 2024 
برطانیہ پر آئندہ پانچ برس کون حکومت کرے گا؟ کل ووٹنگ ہوگی
03 جولائی ، 2024
برطانیہ میں کل عام انتخابات منعقد ہونگے، ووٹنگ شروع ہونے میں 24 گھنٹے سے بھی کم وقت رہ گیا۔
برطانوی عام انتخابات میں تقریبا 5 کروڑ ووٹرز اپنا حق رائے دہی استعمال کریں گے جب کہ پارلیمنٹ کی 650 نشتوں کےلیے ساڑھے چار ہزار سے زائد امیدوار میدان میں ہیں۔
کل 650 نشستوں میں سے 533 انگلینڈ، 59 اسکاٹ لینڈ، 40 ویلز اور 18 نشستیں شمالی آئرلینڈ کی ہیں۔
انتخابات میں ملک بھر میں ووٹنگ کےلیے 40 ہزار سے زائد پولنگ اسٹیشنز قائم کیے گئے ہیں، پولنگ مقامی وقت کے مطابق صبح 7 بجے سے رات 10 بجے تک بلا تعطل جاری رہے گی جب کہ انتخابات کے نتائج کا اعلان 5 جولائی کو کیا جائیگا۔
انتخابات کے بعد حکومت بنانے کےلیے کسی بھی سیاسی جماعت یا جماعتوں کو کم از کم 326 نشستیں درکار ہونگی۔
الیکشن کے بعد 9 جولائی کو پارلیمنٹ کے اجلاس میں نو منتخب اراکین حلف اٹھائیں گے اور اسپیکر کا انتخاب ہوگا۔
یاد رہے برطانیہ میں کنزرویٹو پارٹی کےحکومت کی مدت قانونی طور پر جنوری 2025 تک ہے مگر 22 مئی کو برطانوی وزیر اعظم رشی سونک نے ملک میں قبل از وقت انتخابات کا اعلان کیا تھا۔
مزید خبریں :
دبئی میں لاپتہ اسرائیلی مذہبی رہنما کی لاش مل گئی
5 گھنٹے پہلے
ایلون مسک کی دولت ریکارڈ 348 ارب ڈالرز تک پہنچ گئی
24 نومبر ، 2024
