07 جولائی ، 2024 
پاکستان
فوٹو: فائل
استعفیٰ نامنظور :عمران خان کی عمر ایوب کو بطور سیکرٹری جنرل ذمہ داریاں جاری رکھنے کی ہدایت
07 جولائی ، 2024
اسلام آباد:پاکستان تحریک انصاف کے رہنما عمر ایوب کا بطور پی ٹی آئی سیکرٹری جنرل استعفیٰ نامنظور ہوگیا۔
بانی پی ٹی آئی عمران خان نے عمر ایوب کو بطور سیکرٹری جنرل ذمہ داریاں جاری رکھنے کی ہدایت کر دی۔
چیئرمین پی ٹی آئی بیرسٹر گوہر نے عمران خان کی ہدایت کے بعد نوٹیفکیشن جاری کر دیا۔
نوٹیفکیشن کے مطابق پی ٹی آئی پارلیمانی پارٹی اور کور کمیٹی نے عمر ایوب پر اعتماد کا اظہار کیا۔
نوٹیفکیشن میں کہا گیا کہ عمر ایوب پر بانی پی ٹی آئی عمران خان نے اظہار اعتماد کیا اور انہیں عہدے پر کام جاری رکھنے کی ہدایت کی۔
اس سے قبل پی ٹی آئی کور کمیٹی نے عمر ایوب کا استعفیٰ مسترد کرتے ہوئے بانی پی ٹی آئی عمران خان سے فیصلے پرنظر ثانی کی اپیل کی تھی۔
