18 جولائی ، 2024
اداکارہ میرا نے مستقبل میں معروف اداکار فوادخان کے ساتھ کام کرنے کا عندیہ دے دیا۔
ایک تقریب کے دوران اداکارہ میرا سے ایک خاتون صحافی نے سوال کیا کہ وہ فواد خان کے ساتھ کام کرتے ہوئے کب نظر آئیں گی؟
اس پر میرا نے بتایا کہ فواد خان کے ساتھ پروجیکٹس کے حوالے سے کافی بات چل رہی ہے لیکن ان پروجیکٹس کا انحصار ڈائریکٹرز پر ہے۔
اداکارہ نے کہا کہ اگر زندگی رہی تو فواد کے ساتھ کام کروں گی جب کہ موجودہ وقت کام کے حوالے سے زندگی کا سب سے خوبصورت وقت ہے۔
دوسری جانب میرا نے مہوش حیات کے ساتھ اچھی کیمسٹری کا بتاتے ہوئے کہا کہ مہوش ان سے بہت زیادہ پیار کرتی ہیں۔