گلوکار لیام پین کی موت سے چندگھنٹے قبل بنائی گئی آخری اسنیپ چیٹ ویڈیو وائرل

برطانوی گلوکار لیام پین کی موت سے قبل بنائی گئی آخری اسنیپ چیٹ کی ویڈیو سامنے آگئی جو اب وائرل ہورہی ہے۔

معروف بینڈ ون ڈائریکشن کے سابق رکن 31 سالہ گلوکار لیام پین کی گزشتہ رات ارجنٹینا کے دارالحکومت بیونس آئرس کے ایک ہوٹل کی تیسری منزل سے گِر کر موت ہوگئی۔

غیر ملکی میڈیا کے مطابق  بیونس آئرس کی پولیس کا بتانا ہے کہ انہیں ایک کال موصول ہوئی جس میں بتایا گیا کہ ایک شخص شدید منشیات اور شراب کے نشے میں ہے،جب پولیس ہوٹل پہنچی تو بتایا گیا کہ ہوٹل کے صحن میں زوردار آواز سنائی دی گئی جس کے بعد وہاں سے لیام کی لاش ملی۔

'ون ڈائریکشن' کے معروف گلوکار لیام پین ہوٹل کی تیسری منزل سے گرکر ہلاک

ان دنوں لیام کے لیے حالات بہت مشکل تھے، ان کے سابق مینیجر راجر نے بھی اس سال کے شروع میں انہیں تنہا چھوڑ دیا تھا: ذرائع

گلوکار نے موت سے چند گھنٹے قبل اسنیپ چیٹ پر اپنی پارٹنر کے ساتھ ناشتے کی ویڈیو شیئر کی تھی۔

انہوں نے ویڈیو کے کیپشن میں لکھا 'ارجنٹینا میں ایک خوبصورت دن ہے'۔

لیام کی ویڈیو سوشل میڈیا پر زیر گردش ہے جب کہ اپنے پسندیدہ گلوکار کی اچانک موت پر مداح سوگوار ہیں۔