11 فروری ، 2013 
محکمہ تعلیم بلوچستان میں130 افسران کے تبادلے
11 فروری ، 2013
کوئٹہ …حکومت بلوچستان نے محکمہ تعلیم میں اکھاڑ پچھاڑ کرتے ہوئے گریڈ 17 سے 19 تک کے 130افسران کے تبادلے کردیئے۔ محکمہ تعلیم کے ذرائع کے مطابق محکمہ تعلیم میں سابق دور حکومت میں سینئر پوسٹوں پرجونیئر افسران کو تعینات کیا گیا تھا۔ چیف سیکرٹری بلوچستان نے اس کانوٹس لیتے ہوئے سینئر افسران کو سینئر پوسٹوں پر تعینات کرنے کے احکامات دے دیئے، جس پر محکمہ تعلیم بلوچستان کے گریڈ سترہ سے انیس تک کے 130افسران کے تبادلے کردئیے گئے، جن افسران کے تبادلے کئے گئے ان میں 120مرد افسران اور دس خواتین افسران شامل ہیں۔نوٹیفیکیشن کے مطابق کوئٹہ، جعفر آباد،خضدار،خاران، قلعہ عبداللہ، بارکھان، پنجگور،کیچ، گوادر اور کچھی کے ایگزیکٹو ڈسٹرکٹ ایجوکیشن آفیسرز بھی تبدیل کردئیے گئے ہیں۔
مزید خبریں :
