حسن علی کہنی کی تکلیف سے نجات نہ پاسکے، بنگلادیش کیخلاف سیریز میں شرکت مشکوک

قومی فاسٹ بولر حسن علی کہنی کی تکلیف سے نجات نہ پاسکے۔

ذرائع کے مطابق حسن علی کہنی کی انجری کے باعث کاؤنٹی کرکٹ میں مکمل میچز نہیں کھیل سکے۔

ذرائع کا کہنا ہے کہ حسن علی کا واروکشائر کاؤنٹی سے معاہدہ تھا۔

ذرائع نے بتایاکہ حسن علی اب کہنی کی انجری کا مکمل علاج کرائیں گے۔ 

بنگلادیش کیخلاف سیریز کیلئے کئی اہم کھلاڑیوں کا ٹیم میں جگہ بنانا مشکل

ڈارون میں موجود ریڈ بال ٹیم کے ہیڈ کوچ جیسن گلیسپی کی پاکستان واپسی پر ٹیسٹ اسکواڈ کو فائنل کیا جائے گا: ذرائع

ذرائع کے مطابق حسن علی کی بنگلادیش کے خلاف ٹیسٹ سیریز میں شرکت بھی مشکل ہے۔

خیال رہے کہ پاکستان اور بنگلادیش کے درمیان دو ٹیسٹ میچز کی سیریز کھیلی جائے گی۔ دونوں ٹیموں کے درمیان پہلا ٹیسٹ 21 اگست سے راولپنڈی میں شروع ہو گا۔