30 جولائی ، 2024 
پاکستان
فوٹو: اسکرین گریب
سابق گورنر سندھ عشرت العباد کا پاکستان لوٹ کر نئی پارٹی بنانے کا اعلان
30 جولائی ، 2024
سابق گورنر سندھ ڈاکٹر عشرت العباد نے جلد پاکستان واپسی کا اعلان کرتے ہوئے کہا ہے کہ نئی سیاسی جماعت بنائیں گے۔
دبئی میں جیو نیو زکے نمائندے سے خصوصی طور پر بات چیت کرتے ہوئے انہوں نے کہا کہ اختلاف بالائے طاق رکھ کر وہ ایم کیو ایم پاکستان کو بھی نئی پارٹی میں شمولیت کی دعوت دیں گے۔
عشرت العباد کا کہنا تھا کہ موجودہ حکومت کے پاس وقت کم ہے، معیشت کی بہتری کیلئے کرپشن کے خلاف کڑا احتساب کرنا ہوگا۔
انہوں نے کہا کہ گورننس ناکام ہوجائے تو صورتحال کوئی بھی رخ اختیار کر سکتی ہے، سیاسی اور معاشی عدم استحکام خطرناک حد کو چھو رہا ہے اور امن و امان کی صورتحال ابتر ہے۔
