13 فروری ، 2013 
پی سی او حلف بھی ملکہ الزبتھ سے وفاداری جیسی سنگین چیز ہے،اعتزاز احسن
13 فروری ، 2013
اسلام آباد…معروف قانون دان سینیٹر اعتزاز احسن کا کہنا ہے کہ پی سی او کے تحت حلف لیناآئین پاکستان کی خلاف ورزی ہے، پی سی او کے تحت حلف لینا بھی ملکہ الزبتھ سے وفادری کا حلف لینے جیسی سنگین چیز ہے۔ اسلام آباد میں ایک تقریب سے خطاب اور میڈیا سے بات کرتے ہوئے اعتزاز احسن کا کہنا تھا کہ جوڈیشل کمیشن نے دو ایسے ججوں کو ہائی کورٹ کا جج تعینات کیا ہے جنہوں نے زیرہ انکم ٹیکس دیا ہے، سپریم کورٹ نے رضا ربانی کمیٹی کی طاقت ختم کر دی ہے۔ ان کا کہنا تھا کہ چیف جسٹس افتخار محمد چوہدری وہ نہیں جس نے پی سی او کے تحت حلف لیا تھا، وہ آج ایک مختلف آدمی ہیں جنہوں نے آئین کی پاسداری کا عزم کیا ہوا ہے۔لیکن تلخی نہیں ہونی چاہیے، تلخی اس لیے ہوئی کہ سپریم کورٹ بھی اپنی حدود سے تجاوز کر جاتا ہے ، اور طاہر القادری نے بھی یقیناً اپنے دائرے سے تجاوز کیا ہے۔
مزید خبریں :
امریکا میں سفارتکاری: بلاول بمقابلہ بینظیر بھٹو
7 گھنٹے پہلے
گوادر میں زلزلے کے جھٹکے، شدت 3 ریکارڈ
11 گھنٹے پہلے
کراچی اور اورماڑہ میں زلزلے کے جھٹکے محسوس کیے گئے
08 جون ، 2025
