برطانیہ فیک نیوز کیس: ملزم فرحان آصف مزید 4 روزہ جسمانی ریمانڈ پر ایف آئی اے کے حوالے

لاہور کی مقامی عدالت نے برطانیہ میں ہنگاموں کا باعث بننے والی فیک نیوز دینے والے ملزم فرحان  آصف کے جسمانی ریمانڈ میں توسیع کردی۔

وفاقی تحقیقاتی ادارے (ایف آئی اے ) نے ایک روزہ جسمانی ریمانڈ مکمل ہونے پر ملزم فرحان آصف کو سخت سکیورٹی میں ضلع کچہری کی عدالت میں پیش کیا جہاں ایف آئی اے نے ملزم  کے مزیدجسمانی ریمانڈکی استدعا کی۔ 

عدالت ایف آئی اے کی استدعا کو منظور کرتے ہوئے ملزم کے جسمانی ریمانڈ میں توسیع کرتے ہوئے اسے 4 روز کے لیے ایف آئی اے کے حوالے کردیا۔

یاد رہے کہ  پولیس نے 2 روز قبل برطانیہ میں ہنگاموں کا باعث بننے والی فیک نیوز دینے کے الزام میں لاہور سے فرحان کو گرفتار کیا تھا۔ 

ڈی آئی جی آپریشنز لاہور کے مطابق فرحان آصف پاکستان میں ایک نیوز پلیٹ فارم کے لیے کام کرتا ہے اور ملزم سے تفتیش میں وہ جعلی خبریں دینے میں ملوث پایا گیا۔

برطانیہ میں ہنگاموں کا باعث بننے والی فیک نیوز دینے والا شخص لاہور سے گرفتار

ملزم پاکستان میں ایک نیوز پلیٹ فارم کے لیے کام کرتا ہے، ملزم کو مزید تفتیش کے لیے ایف آئی اے کےحوالےکر دیا گیا۔

برطانیہ میں حالیہ فسادات کی وجہ بننے والی فیک نیوز کہاں سے آئی؟

فیک نیوز کو ایک کرائم ویب سائٹ چینل تھری ناؤ سے نشر کیا گیا تھا جس میں امریکی صحافی، کینیڈین اور پاکستانی شہری بھی کام کرتے تھے