پی ٹی آئی جلسے کیلئے خیبرپختونخوا کی ریسکیو گاڑیاں سفید اسٹیکر لگا کر چھپا دی گئیں

پاکستان تحریک انصاف (پی ٹی آئی) کے اسلام آباد جلسے کیلئے خیبرپختونخوا کی ریسکیو 1122 کی گاڑیوں پر سفید اسٹیکر لگادیے گئے۔

پی ٹی آئی جلسے کیلئے ریسکیو 1122 کی گاڑیاں تیار کرلی گئیں۔ ریسکیو کی گاڑیوں پر سفید اسٹیکر لگادیے گئے اور تصاویر میں دیکھا جا سکتا ہے کہ اسٹیکرز پر لفظ ’ریسکیو 1122‘ کو چھپایا گیا۔

گاڑیوں میں ریسکیو، ایمبولنیسز اور فائر ویکلز موجود ہیں۔ ذرائع کا کہنا ہے کہ گاڑیاں صوابی پہنچائی جارہی ہیں۔

اس حوالے سے ریسکیو حکام نے بتایاکہ گاڑیوں پر اسٹیکرز لگانا کوئی بڑی بات نہیں، پی ٹی آئی جلسے میں ریسکیو کی گاڑیاں ایمرجنسی میں استعمال کی جائیں گی۔

خیال رہے کہ پاکستان تحریک انصاف کا کل وفاقی دارالحکومت اسلام آباد میں جلسہ ہوگا جس میں ملک بھر سے کارکن شریک ہوں گے۔