پاکستان لبنانی عوام کے ساتھ یکجہتی کیلئےکھڑا ہے: ترجمان دفتر خارجہ

پاکستان نے مشرقِ وسطیٰ میں بڑھتی اسرائیلی مہم جوئی کی مذمت کرتے ہوئےکہا ہےکہ پاکستان لبنان کے عوام کے ساتھ یکجہتی کے لیے کھڑا ہے۔

ایک بیان میں  ترجمان دفتر خارجہ نےکہا ہےکہ پاکستان مشرقِ وسطیٰ میں بڑھتی اسرائیلی مہم جوئی کی مذمت کرتا ہے، حزب اللہ کے سیکرٹری جنرل حسن نصراللہ کا قتل خطے کے عدم استحکام میں بڑا  اضافہ ہے۔

حزب اللہ کے شہید سربراہ حسن نصراللہ کا جسد خاکی مل گیا

غیر ملکی خبررساں ایجنسی کے مطابق حسن نصراللہ کے جسم پر کسی بڑے زخم کا کوئی نشان نہیں ہے۔

ترجمان کا کہنا ہے کہ  پاکستان لبنان کے عوام کے ساتھ یکجہتی کے لیے کھڑا ہے، اقوام متحدہ کی سلامتی کونسل اسرائیل کو خطے میں مہم جوئی سے روکے، سلامتی کونسل اسرائیل کو عالمی قوانین کی خلاف ورزیوں سے باز  رکھے۔

ترجمان دفتر خارجہ نے مزید کہا ہےکہ آبادیوں پر حملے  اور  عالمی قوانین کی پامالی تشویش ناک ہے، اسرائیل لبنان کی شہری آبادی کو نشانہ بنانے میں مصروف ہے۔