پاک، انگلینڈ ٹیسٹ سیریز: سلیکٹرز پنڈی ٹیسٹ کی پچ سے بھی ہوم ایڈوانٹیج لینے کے خواہشمند

راولپنڈی: پاکستان  اور انگلینڈ کے درمیان ٹیسٹ سیریز کے تیسرے میچ کے لیے پچ کی تیاری جاری ہے۔ 

ذرائع کے مطابق 3 ٹیسٹ میچز کی سیریز میں آخری میچ کے لیے پنڈی اسٹیڈیم  میں پچ کی تیاری جاری ہے اور سلیکٹرز پنڈی ٹیسٹ کی پچ سے بھی ہوم ایڈوانٹیج لینے کے خواہشمند ہیں۔ 

ذرائع کا بتانا ہے کہ سلیکٹر عاقب جاوید پنڈی ٹیسٹ کی پچ پربھی خصوصی توجہ دے رہے ہیں اور انہوں نے پنڈی کرکٹ اسٹیڈیم کے گراؤنڈ اسٹاف کو خصوصی ہدایات دے دیں ہیں۔ 

ملتان ٹیسٹ دلچسپ مرحلے میں داخل، انگلش بیٹرز پاکستانی اسپنرز کے جال میں پھنس گئے

پاکستان کے پہلی اننگز کے 366 رنز کے جواب میں انگلینڈ کی ٹیم 75 رنز کے خسارے کے ساتھ 291 رنز پر ڈھیر ہو گئی تھی

ذرائع کے مطابق پنڈی میں بھی ملتان ٹیسٹ کی طرح اسپن وکٹ تیارکرنے کی کوشش کی جائے گی اور تیسرے ٹیسٹ کے لیے روایت سے ہٹ کر پچ بنانے کی کوشش کی جائے گی، پچ کو ہرممکن ڈرائی رکھنے کی کوشش کی جائے گی جب کہ اسکوائر کو بھی ڈرائی رکھنے کی کوشش کی جا رہی ہے۔ 

ذرائع کا بتانا ہے کہ سلیکٹر عاقب جاوید پچ کی تیاری دیکھنے کے لیے راولپنڈی بھی جائیں گے۔

واضح رہے کہ پاکستان اور انگلینڈ کےدرمیان تیسرا ٹیسٹ 24 اکتوبر سے پنڈی اسٹیڈیم میں شروع ہو گا۔