28 اکتوبر ، 2024 
مائیں بچیوں کو صرف گھر چلانا ہی نہیں مُلک چلانا بھی سکھائیں: خالد مقبول صدیقی
28 اکتوبر ، 2024
چیئرمین متحدہ قومی موومنٹ خالد مقبول صدیقی نے کہا ہے کہ مائیں بیٹیوں کو صرف چمٹا ہی نہیں نشتر پکڑنا بھی سکھائیں، بچیوں کو گھر چلانا ہی نہیں مُلک چلانا بھی سکھائیں، یہی ہمارے دین کا بھی تقاضہ ہے۔
سرجانی ٹاؤن میں متحدہ قومی موومنٹ کی تقریب سے خطاب کرتے ہوئے خالد مقبول کا کہنا تھا کہ کراچی اور حیدرآباد کے نوجوانوں نے بتا دیا ہے کہ وه سب اُس تنظیم کے ساتھ کھڑے ہیں جس نے ایسی طرز سیاست دی جس نے ایوانوں کو ہلا دیا ہے۔
انہوں نے کہا کہ نوجوانوں تیار رہیں عنقریب کراچی، حیدرآباد، میرپورخاص میں دُنیا کی مایہ ناز جامعات کے کیمپس کھلنے جا رہے ہیں۔
تقریب سے خطاب کرتے ہوئے فاروق ستار کا کہنا تھاکہ ایم کیو ایم بہت جلد اِس شہر كو نوجوانوں کی تازہ دم قیادت دینے جا رہی ہے، وقت آگیا ہے ایک بار پھر نوجوانوں کو بلدیاتی کونسلز، صوبائی اور قومی اسمبلی میں بھیجا جائے۔
فاروق ستار کا کہنا تھا کہ کراچی کی آئندہ میئر لڑکی بھی ہو سکتی ہے، سیاسی اختلاف کو پرے رکھ کر اب شہر کی تعمیر و ترقی کیلئے ساتھ بیٹھنا ہوگا۔
مزید خبریں :
کراچی میں آج رات مختلف سڑکیں بند کرنے کا نوٹس جاری
5 گھنٹے پہلے
نواز شریف کی کل لندن سے امریکا روانگی کا امکان
11 گھنٹے پہلے
